स्वास्थ्य सेवा बन्दप्रति मानव अधिकार आयोगको ध्यानाकर्षण

वीरगञ्जस्थित नारायणी अस्पतालका चिकित्सक डा प्रमोद राममाथि भएको कुटपिट तथा अस्पतालमा भएको तोडफोडको घटनापछि देशभर आकस्मिकबाहेकका स्वास्थ्य सेवा ठप्प पारिएको विषयमा राष्ट्रिय मानव अधिकार आयोगले गम्भीर ध्यानाकर्षण भएको जनाएको छ।

आयोगले मंगलबार विज्ञप्ति जारी गर्दै स्थलगत अनुगमनका क्रममा स्वास्थ्यकर्मीमाथि हुने आक्रमण र अस्पतालमा हुने तोडफोडका घटना निन्दनीय भएको तथा यस्ता गतिविधिले समाजमा अराजकता बढाउने उल्लेख गरेको छ।