प्रस्तावित निर्वाचन आयुक्त राजीव सुब्बा भन्छन्- प्रदेश सभा निर्वाचनमा विद्युतीय मेसिन प्रयोग गर्न सकिन्छ

प्रस्तावित निर्वाचन आयुक्त राजीब सुब्बाले आगामी प्रदेश सभाको निर्वाचनमा विद्युत भोटिङ मेसिन (इभिएम) प्रयोग गर्न सकिने दाबी गरेका छन्।

संसदीय सुनुवाइका क्रममा सुब्बाले स्थानीय तहको निर्वाचनमा उम्मेदवारको संख्या धेरै हुने भएकाले इभिएम प्रयोग गर्न सजिलो नरहेको स्वीकार गरे। तर प्रदेश सभा निर्वाचनमा भने यस्तो मेसिन प्रयोग गर्न सकिने उनको दाबी छ। सुब्बाले त्यसका लागि निर्वाचन चरणबद्ध रूपमा गर्नु उपयुक्त हुने सुझाव समेत दिएका छन्।