अन्नपूर्ण क्षेत्रमा वर्षमा झन्डै आठलाख पर्यटक

एकवर्ष अवधिमा अन्नपूर्ण क्षेत्रमा झन्डै आठलाख आन्तरिक पाहुना घुमघाममा पुगेका छन्। आर्थिक वर्ष २०८२/८३ मा अन्नपूर्ण क्षेत्रमा ७ लाख ९१ हजार ७ सय ७३ जना आन्तरिक पर्यटक घुम्न पुगेको अन्नपूर्ण संरक्षण क्षेत्र आयोजना (एक्याप)ले बताएको छ।

पछिल्लो समय अन्नपूर्ण क्षेत्रका विभिन्न गन्तव्यमा आन्तरिक पाहुनाको आकर्षण बढिरहँदा आगमन संख्या उकालो लागेको एक्यापले बताएको छ। अन्नपूर्ण क्षेत्रभित्र गएका पाहुनामध्ये सबैभन्दा बढि ४ लाख ९२ हजार ५ सय ३७ जना आन्तरिक पाहुना हिमाली जिल्ला मुस्ताङले मात्र भित्र्याएको छ। आर्थिक वर्ष २०८२/८३ मा अहिलेसम्मकै सबैभन्दा बढि ५ लाख ८ हजार ४ सय ७६ जना विदेशी पाहुना पनि अन्नपूर्ण क्षेत्रको भ्रमणमा गएको अन्नपूर्ण संरक्षण क्षेत्र आयोजना (एक्याप)ले बताएको छ।