वीरगञ्जमा निर्माणाधीन पुलको खाल्डोमा डुबेर दुई बालिकाको मृत्यु

वीरगञ्ज- पर्साको वीरगञ्ज महानगरपालिकामा विकास निर्माणका क्रममा गरिएको लापरबाहीका कारण दुई बालिकाले ज्यान गुमाउनु परेको छ । वीरगन्ज महानगरपालिका–२६, सुगौलीको चक्रदहमा निर्माणाधीन पुलका लागि खनिएको खाल्डोमा जमेको पानीमा डुबेर दुई जना दिदी–बहिनीको मृत्यु भएको हो ।

मृत्यु हुनेहरूमा स्थानीय प्रभु ठाकुरका ५ वर्षीया छोरी पुच्की ठाकुर तथा ३ वर्षीया छोरी घघरी ठाकुर रहेका छन् । सोमवारदेखि हराइरहेका उनीहरूको शव मंगलवार बिहान सोही खाल्डोमा तैरिरहेको अवस्थामा फेला परेको जिल्ला प्रहरी कार्यालय पर्साले जनाएको छ ।