सुनसरी घटनाले रास्वपा सभापति लामिछाने स्तब्ध : निष्पक्ष छानबिन गर्न सरकारसँग माग

राष्ट्रिय स्वतन्त्र पार्टी (रास्वपा) का सभापति रवि लामिछानेले सुनसरीलगायतका पूर्वी जिल्लामा हालै घटेको घटनाप्रति गम्भीर ध्यानाकर्षण भएको बताएका छन्।

यी घटनाले निम्त्याएको तनावपूर्ण परिस्थितिप्रति सिंगो पार्टी पंक्ति स्तब्ध र मर्माहत भएको उनको भनाइ छ। पार्टी सभापति लामिछानेद्वारा जारी विज्ञप्तिमा सामाजिक सहिष्णुतामा खलल पुर्‍याउने गरी कुनै पनि गतिविधि नगर्न आम नागरिक, नागरिक अगुवा र सरोकारवाला पक्षहरूलाई अपिल गरिएको छ। साथै, उनले उत्तेजना र अफवाहको पछि नलागी उच्च संयमता अपनाउन आग्रह गरेका छन्।