गोपालमान श्रेष्ठपछि गगन थापाले भने- ‘लोकतान्त्रिक आन्दोलनले निष्ठावान र निर्भीक नेता गुमायो’

काठमाडौं । नेपाली कांग्रेसका सभापति गगन थापाले पार्टीका वरिष्ठ नेता तथा पूर्वउपप्रधानमन्त्री गोपालमान श्रेष्ठको निधनप्रति गहिरो दुःख व्यक्त गर्दै लोकतान्त्रिक आन्दोलनले एक समर्पित, अनुभवी र निर्भीक नेता गुमाएको बताएका छन्।

मंगलबार सामाजिक सञ्जालमार्फत श्रद्धाञ्जली व्यक्त गर्दै थापाले श्रेष्ठको निधनको खबरले आफू अत्यन्त दुःखी र स्तब्ध भएको उल्लेख गरेका छन्। उनले नेपाली कांग्रेसका लागि मात्र नभई समग्र लोकतान्त्रिक आन्दोलनका लागि पनि श्रेष्ठको योगदान सधैं प्रेरणादायी रहने बताएका छन्।