कप्तानगञ्ज घटना : सामाजिक सद्भाव कायम राख्न एमालेको आह्वान

१२ साउन, काठमाडौं । नेकपा एमालेले सुनसरीको देवानगञ्ज गाउपालिका–३ कप्तानगञ्जमा उत्पन्न घटनाबारे आफ्नो ध्यानाकर्षण भएको जनाएको छ । एमाले महासचिव शंकर पोखरेलले मंगलबार प्रेस विज्ञप्ति जारी गर्दै पार्टीको धारणा सार्वजनिक गरेका छन् ।

नागरिकको जिउधनको सुरक्षा गर्ने र मुलुकमा शान्ति-सुरक्षा कायम गर्ने प्राथमिक जिम्मेवारी बोकेको सरकार तथा स्थानीय प्रशासन संवेदनशील विषयमा चरम गैरजिम्मेवार, उदासीन र दिशाहीन देखिएको भन्दै एमालेले त्यसलाई ‘भर्त्सनायोग्य विषय’ भनेको छ ।