सभामुखले गरे प्रमुख सचेतक तथा प्रतिनिधिहरूसँग छलफल, प्रधानमन्त्रीको सम्बोधनबारे दलहरूको जोड

काठमाडौं । आगामी असार १४ गतेबाट शुरू हुने प्रतिनिधि सभाको बैठकलाई मर्यादित, व्यवस्थित र प्रभावकारी बनाउने उद्देश्यले सभामुख डोलप्रसाद अर्यालले राजनीतिक दलका प्रमुख सचेतक तथा प्रतिनिधिहरूसँग सिंहदरबारमा महत्त्वपूर्ण छलफल गरेका छन्। १५ दिनको स्थगनपछि बस्न लागेको बैठकको कार्यसूची, सदनका अवरोध हटाउने उपाय र समसामयिक राजनीतिक विषयहरूमा केन्द्रित सो छलफलमा सत्तापक्ष तथा प्रतिपक्षी दलहरूले आ-आफ्ना धारणा राखेका छन्।

बैठकपछि सञ्चारकर्मीसँग कुरा गर्दै प्रमुख प्रतिपक्षी दल नेपाली कांग्रेसकी प्रमुख सचेतक वासला थापाले आफूहरूले प्रधानमन्त्रीको विरोध नभई संसद् र जनताप्रति जिम्मेवार बनाउन मात्रै खोजेको स्पष्ट पारिन्। सीमा विवादका सम्बन्धमा आम नागरिकले प्रधानमन्त्रीबाट आधिकारिक जवाफ खोजिरहेकाले संसद्मा उक्त विषय उठाइएको बताउँदै उनले प्रधानमन्त्रीले संसद्मा प्रश्नोत्तरको रूपमा वा राष्ट्रका नाममा सम्बोधन गरेर भए पनि जनतालाई स्पष्ट पार्नुपर्ने सुझाव दिएन्। कांग्रेस सधैँ संविधान र विधिको शासनमा अडिग रहेको र सदन अवरोध गर्ने पक्षमा नरहेको उल्लेख गर्दै उनले संविधानमाथि आँच आउने अवस्था आएमा पार्टी सधैँ रक्षाका लागि अग्रपङ्क्तिमा उभिने बताइन्।