सामाजिक सद्‌भाव, धार्मिक सहिष्णुता र शान्ति–सुव्यवस्था कायम राख्न धनुषामा बैठक

जनकपुरधाम। सुनसरीमा भएको घटनापछि जिल्लाभित्र सामाजिक सद्‌भाव कायम राख्ने उद्देश्यले जिल्ला प्रशासन कार्यालय धनुषामा मंगलबार सर्वदलीय तथा सर्वपक्षीय सद्‌भाव बैठक सम्पन्न भएको छ ।

बैठकमा सहभागी सरोकारवालाले जिल्लाभित्र शान्ति–सुव्यवस्था बिग्रिन नदिन हिंसा, तोडफोड, आगजनी तथा सार्वजनिक र निजी सम्पत्तिमा क्षति पुर्‍याउने गतिविधिप्रति शून्य सहनशीलताको नीति अपनाउने निर्णय गरेका छन् । यस्ता गतिविधिमा संलग्न व्यक्तिलाई प्रचलित कानुनबमोजिम कारबाही गरिने सहमति भएको छ ।