स्थायी बसोबास अनुमतिका लागि कडा मापदण्ड लागू गर्दै जापान

काठमाडाैँ। जापान सरकारले विदेशी नागरिकलाई स्थायी बसोबास अनुमति (परमानेन्ट रेसिडेन्सी) प्रदान गर्ने मापदण्ड थप कडा बनाउने तयारी गरेको छ । नयाँ व्यवस्थाअनुसार अब आवेदकले जापानी परिवारको औसत आम्दानीभन्दा बढी आय भएको प्रमाण र निश्चित स्तरको पेन्सन प्राप्त हुने अनुमानित योग्यता पूरा गर्नुपर्नेछ ।

सरकारले सम्बन्धित निर्देशिका अक्टोबर १ देखि संशोधन गर्ने र अर्को वर्षको अप्रिल देखि दर्ता हुने आवेदनमा नयाँ नियम लागू गर्ने योजना बनाएको छ ।