रहेनन् देव आनन्दका छोरा सुनील आनन्द

लण्डन- भारतीय चलचित्र उद्योगका सदाबहार अभिनेता स्वर्गीय देव आनन्दका एकमात्र छोरा, अभिनेता तथा निर्देशक सुनील आनन्दको ७० वर्षको उमेरमा निधन भएको छ । उनको जुलाई २६ मा बेलायतको लण्डनमा हृदयाघातका कारण निधन भएको परिवारले पुष्टि गरेको भारतीय सञ्चार माध्यमहरूले जनाएका छन् ।

परिवारका तर्फबाट उनकी भतिजी जिना नराङले विज्ञप्ति जारी गर्दै सुनील आनन्दको निधन भएको पुष्टि गरेकी छन् । उनले शोकको यस घडीमा परिवारको गोपनीयताको सम्मान गरिदिन सबैसँग आग्रह गरेकी छन् ।