गृहमन्त्रीको आश्वासनपछि सुस्तावासीका मागबारे के प्रगति भयो ?

नवलपरासीको सुस्ता क्षेत्रका बासिन्दाले लालपुर्जा वितरण, नेपाली नागरिकता र सीमा सुरक्षालगायतका माग राख्दै असार १६ गतेदेखि काठमाडौँको माइतीघर मण्डलामा थालेको शान्तिपूर्ण धर्नापछि सरकारले गरेका प्रतिबद्धतामध्ये केही कार्यान्वयनमा आएका छन् भने केही अझै प्रक्रियामै छन्।

आन्दोलनका क्रममा सुस्तावासीले प्रधानमन्त्रीसँग भेट गर्ने प्रयास गरे पनि अन्ततः गृह मन्त्रालयसँग वार्ता भएको थियो। असार १९ गते गृह मन्त्रालयले नागरिकता वितरण प्रक्रिया अघि बढाउने र सुस्ता क्षेत्रको सीमा सुरक्षालाई थप प्रभावकारी बनाउने प्रतिबद्धता जनाएपछि आन्दोलन फिर्ता भएको थियो र आन्दोलनकारी घर फर्किएका थिए।