सुनसरी घटना: सञ्चारमाध्यम र सामाजिक सञ्जालमा संयमित बन्न काउन्सिलको आग्रह, उल्लङ्घन भए खबर गर्न अपिल

काठमाडौं । प्रेस काउन्सिल नेपालले सुनसरीलगायत पूर्वी जिल्लामा हालै भएको दुःखद तथा संवेदनशील घटनाको समाचार सम्प्रेषण गर्दा उच्च व्यावसायिकता, संयमता र जिम्मेवारी प्रदर्शन गर्न सञ्चारमाध्यम, पत्रकार तथा सामाजिक सञ्जाल प्रयोगकर्तालाई आग्रह गरेको छ ।

काउन्सिलले संवेदनशील घटनाको समाचार सम्प्रेषणका क्रममा अपुष्ट सूचना, अफवाह, उत्तेजना फैलाउने सामग्री, घृणास्पद अभिव्यक्ति तथा सामाजिक, धार्मिक वा साम्प्रदायिक सद्भावमा प्रतिकूल असर पर्ने कुनै पनि सामग्री प्रकाशन, प्रसारण वा सम्प्रेषण नगर्न आग्रह गरेको छ ।