हराएको पाँच वर्षपछि ६४२ माइल टाढा भेटियो कुकुर

नेब्रास्का । अमेरिकाको नेब्रास्का राज्यबाट पाँच वर्षअघि हराएको एक कुकुर ६४२ माइल टाढा फेला परेको छ ।

सामाजिक सञ्जाल र माइक्रोचिपको सहयोगले सम्भव भएको यो घटनालाई कुकुरको मालिक परिवारले चमत्कार भनेको छ । इनमाकुलाडा ज्याकम्यानको पाल्तु कुकुर चोङ सन् २०२१ मा नेब्रास्काको लिन्कनस्थित घरबाट हराएको थियो । त्यसयता उनले आफ्नो कुकुरको खोजी कहिल्यै छाडिनन् । उनका अनुसार परिवारले पुरानो बस्तीमा बारम्बार गएर चोङ कसैसँग हिँडिरहेको वा वरपर देखिन्छ कि भनेर निरन्तर खोजी गरिरह्यो ।