जाइका अध्यक्ष डा. तनाकाद्वारा नेपाल-जापानबीच मानवीय सम्बन्ध सुदृढ बनाउन जोड

काठमाडौं

जापान अन्तर्राष्ट्रिय सहयोग नियोग (जाइका) का अध्यक्ष डा. तनाका अकिहिकोले नेपाल र जापानबीचको सहकार्यलाई थप प्रभावकारी बनाउन पूर्वाधार विकाससँगै मानवीय स्रोत तथा जनस्तरको सम्बन्धलाई अझ सुदृढ बनाउनुपर्नेमा जोड दिएका छन्। नेपाल भ्रमणका क्रममा सोमबार जाइका एलुम्नाइ एसोसिएसन अफ नेपाल (जान) का कार्यसमितिसँग भएको भेटवार्तामा उनले भौतिक पूर्वाधार विकास नेपालको प्रगतिका लागि महत्त्वपूर्ण भए पनि विकासशील मुलुकका लागि ‘मानवीय पूर्वाधार’को विकास अझ बढी आवश्यक रहेको धारणा व्यक्त गरे।