आज राति यी स्थानमा भारी वर्षाको सम्भावना

मौसम पूर्वानुमान महाशाखाले आज (मंगलबार) राति ८:३० बजे जनाएअनुसार यतिबेला बागमती प्रदेशका केही स्थान, कोसी र गण्डकी प्रदेशका थोरै स्थान तथा अन्य प्रदेशका एक-दुई स्थानमा मध्यमसम्म वर्षा भइरहेको छ। अनि गएको ३ घण्टामा सबैभन्दा धेरै वर्षा धादिङको गजुरीमा ४७.४ मिलिमिटर भएको छ।

मौसम महाशाखाका अनुसार आज राति देशको हिमाली भू-भागका थोरै स्थानमा मध्यमसम्म वर्षा/हिमपातको सम्भावना छ। पहाडी भूभागका केही स्थानमा मेघगर्जन/चट्याङसहित मध्यमसम्म वर्षाको सम्भावना छ।