भाइरल मिम बन्दै शिक्षामन्त्री सस्मित पोखरेलको चुनावी प्रचारको कार-संवाद

काठमाडौं । निर्वाचनको दौडधुपमा राजनीतिक दल र उम्मेदवारहरू मतदाताको ध्यान खिच्न हतकन्डा अपनाउँछन् । तर, गत फागुनमा सम्पन्न प्रतिनिधिसभा सदस्य पदको चुनावमा काठमाडौं क्षेत्र नम्बर ५ बाट प्रतिनिधि सभा सदस्य उम्मेदवार रहेका सस्मित पोखरेल र उनकी श्रीमती सुस्मिता अधिकारीले अपनाएको प्रचार शैली भने अलि नौलो र पृथक् बन्यो ।

उनी निर्वाचित भई हाल शिक्षामन्त्रीको जिम्मेवारी सम्हालिरहेका रहेका छन् । तर उनको चुनावी प्रचार शैलीको चर्चा भने अहिले आएर भाइरल बनिरहेको छ । गाडी हाँकिरहेका सस्मितलाई छेउमा बसेकी श्रीमतीले क्यामेरासामु जिज्ञासु बन्दै राजनीति, कानुन, समाज र समसामयिक विषयमा विविध प्रश्नहरू सोध्ने गर्थिन् । र सस्मितले ड्राइभिङकै क्रममा त्यसको सहजीकरण वा उत्तर दिने प्रयास गर्थे ।