डिशहोमका पुराना सेट-टप बक्समा विश्वकप फुटबलको लाइभ नआउने, २ हजार तिरेर नयाँ लिनुपर्ने

काठमाडौँ । आगामी फिफा विश्वकप २०२६ को प्रत्यक्ष प्रसारण डिशहोमको डीटीएच प्रविधिमा केवल एचडी सेट-टप बक्स भएका ग्राहकले मात्र हेर्न पाउने भएका छन् । डिशहोमले हाल प्रयोगमा रहेका केही पुराना स्ट्यान्डर्ड डेफिनिसन (SD) सेट-टप बक्सहरूले विश्वकपको प्रसारण सपोर्ट नगर्ने जानकारी गराएको हो ।

यदि तपाईँको सेट-टप बक्सको पछाडिको भागमा DH-SD-0215 लेखिएको छ भने उक्त बक्समा विश्वकपको लाइभ प्रसारण आउने छैन । यसकारण पुराना बक्स भएका ग्राहकहरूले विश्वकप हेर्नका लागि आफ्नो सेट-टप बक्सलाई एचडीमा स्तरोन्नति (Upgrade) गर्नुपर्ने हुन्छ ।