सङ्घीय संसद्का दुई समितिको बैठक बस्दै, प्रस्तावित प्रमुख निर्वाचन आयुक्तको सुनुवाइ हुने

काठमाडौँ । सङ्घीय संसद्अन्तर्गतका दुई संसदीय समितिको बैठक आज बस्दै छ । बुधबार सङ्घीयता सबलीकरण तथा राष्ट्रिय सरोकार समिति र संसदीय सुनुवाइ समितिको बैठक बस्न लागेको हो ।

सङ्घीय संसद् सचिवालयका अनुसार संसदीय सुनुवाइ समितिको बैठक बिहान ११ः१५ बजे बस्ने तय भएको छ । उक्त बैठकमा प्रमुख निर्वाचन आयुक्तका लागि प्रस्तावित मानबहादुर कार्कीविरुद्ध उजुरी दिने उजुरीकर्ताहरूसँग छलफल गर्ने कार्यक्रम छ । उजुरीकर्तासँगको छलफलपछि प्रस्तावित प्रमुख आयुक्त कार्कीलाई समितिसमक्ष आमन्त्रण गरी सुनुवाइ गरिनेछ ।