बाढीग्रस्त क्षेत्रमा उद्धार तथा राहतका लागि १३ हजार २९५ सुरक्षाकर्मी परिचालन

काठमाडौं । रसुवास्थित भोटेकोसी नदीमा बुधबार बिहान आएको भीषण बाढीपछि प्रभावित क्षेत्रमा राहत तथा उद्धार कार्यलाई तीव्रता दिन गृह प्रशासनले १३ हजार २९५ जना सुरक्षाकर्मी परिचालन गरेको छ ।

बाढीग्रस्त क्षेत्रमा उद्धार कार्यलाई व्यवस्थित र प्रभावकारी बनाउन नेपाल प्रहरीका सात हजार २५० जना, नेपाली सेनाका चार हजार २०० र सशस्त्र प्रहरी बल नेपालका एक हजार ८४५ सुरक्षाकर्मी प्रत्यक्ष रूपमा खटिएको प्रधानमन्त्रीको सचिवालयले जनाएको छ ।