तातो हावाबाट कसरी बच्ने ?

काठमाडौँ । गर्मी मौसममा तापक्रम वृद्धि भइरहेको छ।मौसम पूर्वानुमान महाशाखा जल तथा मौसम विज्ञान विभागका अनुसार देशका केहि स्थानमा तापक्रम वृद्धि भइरहेको छ । तातो हावाबाट जोगिनुपर्ने राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ।

प्राधिकरणका अनुसार तातो हावा वा ‘लू’ का कारण मुटुको धड्कन बेस्सरी बढ्ने, रक्तचाप कम हुने, टाउको बेस्सरी दुख्ने, रिँगटा लाग्ने, ज्वरो आउने, बेहोस हुने जस्ता लक्षण देखिन सक्छन् ।