ईश्वरी हत्याको अभियोगमा थप ३ जना पक्राउ

काठमाडौं । तारकेश्वर नगरपालिका- ६, लोलाङ, पैँयुटारमा हिजो ईश्वरी भुजेलको हत्या आरोपमा थप ३ जनालाई प्रहरीले पक्राउ गरेको छ । ईश्वरीको धारिलो हतियार प्रहार गरी हत्याको आरोपमा मुख्य अभियुक्त उनका पति ‘नेपाली ब्रो’ भन्ने कुमार थापा मगर हिजै बालाजुबाट पक्राउ परेका थिए ।

उक्त घटनामा अरु पनि संलग्न भनी ईश्वरीका माइती पक्षले दिएको जाहेरीका आधारमा अन्य ३ जनालाई पक्राउ गरिएको एसपी पवनकुमार भट्टराईले बताए ।