प्रमुख निर्वाचन आयुक्तको सुनुवाइ हुँदै

काठमाडौँ । सङ्घीय संसद् मातहतका दुई संसदीय समितिको बैठक आज बस्ने भएको छ। सङ्घीय संसद् सचिवालयका अनुसार संसदीय सुनुवाइ समिति र सङ्घीयता सबलीकरण तथा राष्ट्रिय सरोकार समितिको बैठक बस्ने कार्यक्रम तय भएको हो।

आज संसदीय सुनुवाइ समितिको बैठकमा प्रमुख निर्वाचन आयुक्तको सुनुवाइ हुँदैछ । बिहान ११:१५ बजे बस्ने संसदीय सुनुवाइ समितिको बैठकमा प्रमुख निर्वाचन आयुक्तका लागि प्रस्तावित मानबहादुर कार्कीविरुद्ध उजुरी दिने उजुरीकर्ताहरूसँग छलफल गर्नेछ ।