जनावरजस्तै जीवनशैली अपनाउने युवाको ट्रेन्डले अर्जेन्टिनामा चर्चा

अर्जेन्टिनाको राजधानी ब्युनस आयर्समा केही युवाहरू जनावरको मास्क, पुच्छर र अन्य पोसाक लगाएर पार्कमा भेला हुने तथा जनावरजस्तै हिँड्ने, दौडिने र व्यवहार गर्ने नयाँ ट्रेन्ड चर्चामा आएको छ।

यी युवाहरू आफूलाई थेरियन भन्ने समूहसँग जोडिएको बताउँछन्। उनीहरूका अनुसार आफूहरूले कुनै न कुनै जनावरसँग मानसिक, भावनात्मक वा आध्यात्मिक सम्बन्ध महसुस गर्छन्। केहीले यसलाई आफ्नो पहिचानको अभिव्यक्ति भनेका छन् भने केहीले मनोरञ्जन र सिर्जनात्मक गतिविधिका रूपमा मात्र लिने गरेका छन्।