धार्मिक सहिष्णुता र सामाजिक सद्भाव कायम राख्न प्रधानमन्त्रीदेखि दलहरूको अपिल

काठमाडौं । सुनसरीको देवानगन्ज गाउँपालिका–३ कप्तानगन्जमा भएको घटनापछि उत्पन्न तनावलाई लिएर प्रधानमन्त्रीदेखि विभिन्न राजनीतिक दलका नेताहरूले धार्मिक सहिष्णुता, सामाजिक सद्भाव र संयमता कायम राख्न अपिल गरेका छन्।

घटनापछि विभिन्न स्थानमा प्रदर्शन हुन थालेपछि प्रधानमन्त्री बालेन्द्र शाहले मंगलबार राति सामाजिक सञ्जालमार्फत सबैलाई संयमित हुन आग्रह गरेका हुन्। उनले उत्तेजित हुने वा गराउने गतिविधिमा सहभागी नहुन आग्रह गर्दै एक–अर्काप्रति प्रेम र सम्मान कायम राख्न अपिल गरेका छन्।