विज्ञ टोलीको अध्ययनपछि मात्र कृष्णभीरको सडक मर्मत गरिने

चितवन । पृथ्वी राजमार्गअन्तर्गत कृष्णभीरमा भासिएको सडक तत्काल मर्मत नहुने भएको छ। सडक विभागले विज्ञ टोली पठाएर अध्ययन गराएपछि मात्रै सडक कसरी मर्मत गर्ने भन्ने टुंगो लगाउने भएको हो।

आइतबार बिहान सडक चिरिएर भासिएपछि सडक विभागले अध्ययनका लागि काठमाडौँबाट विज्ञ टोली कृष्णभीरतर्फ पठाएको छ। टोलीले सडक भासिनुको कारण र क्षतिको अवस्थाबारे अध्ययन गरेपछि साँझसम्म मर्मतको विधिबारे निर्णय हुने सडक विभागका महानिर्देशक डा. विजय जैसीले जानकारी दिए।