भोटेकोशी बाढीः उदयपुरका २१ जनामध्ये ५ जना सम्पर्कमा

उदयपुर । रसुवाको भोटेकोशी बाढीमा परी सम्पर्क विहीन भएका उदयपुरका २१ जना मध्ये अहिले सम्म पाँच जना परिवार र प्रहरीको सम्पर्कमा आएका छन्, भने १६ जना सम्पर्क विहीन छन् । जिल्ला प्रहरी कार्यालय उदयपुरका अनुसार विभिन्न कामको शिलसिलामा रसुवा, नुवाकोट र धादिङ क्षेत्रबाट बाढीपछि सम्पर्क विहीन भएका २१ जना मध्ये आइतबार बिहानसम्म पाँच जना सम्पर्कमा आएका हुन् ।

जिल्ला प्रहरी कार्यालय उदयपुरका प्रहरी प्रमुख प्रहरी उपरिक्षक राजन चापागाईँका अनुसार बाढीका क्रममा रसुवा, नुवाकोट, धादिङल जिल्ला विभिन्न तटीय क्षेत्रमा रोजगारी, व्यापार, पर्यटन तथा अन्य कामका लागि पुगेका उदयपुरका नागरिक प्रभावित भएका हुन् । उनले भने, ‘परिवारले सम्पर्क विहीन भएपछि प्रहरीलाई दिएको जानकारी अनुसार हाइड्रोपावर, टिमुरे बजार तथा अन्य क्षेत्रमा मजदुरी र रोजगारी गर्दै आएकाहरू सम्पर्क विहीन भएका थिए ।