रसुवा बाढी : गोरखामा फेला परेका तीन शव सनाखतपछि आफन्तलाई बुझाइयो

गोरखा : गोरखामा भेटिएका तीन मृतकको शवको सनाखत भएको छ । त्रिशूलीको गोरखातर्फको किनारमा विभिन्न समयमा फेला परेका शवहरू पहिचान भएपछि आफन्तले बुझेर लगेको प्रहरी नायव उपरीक्षक राजकुमार श्रेष्ठले जानकारी दिए ।

उनका अनुसार सन्दकपुर गाउँपालिका ३ तुलुबुङ्गा इलामका ३८ वर्षीय दीपक भनिने दिवानन्द सुवेदी,पालुङ्टार नगरपालिका- ६ गोरखाका ५५ वर्षीय यमबहादुर थापा र तानसेन नगरपालिका १० पाल्पाका ३४ वर्षीय दीपेन्द्र विष्टको शव पहिचानपछि आफन्तलाई बुझाइएको हो ।