सर्वदलीय बैठकमा प्रचण्डको प्रश्न– सरकार सुनसरी घटनाको समाधानतर्फ किन अग्रसर हुन सकेन ?

काठमाडौँ – नेपाली कम्युनिस्ट पार्टीका संयोजक एवम् पूर्वप्रधानमन्त्री पुष्पकमल दाहाल ‘प्रचण्ड’ ले सुनसरीमा देखिएको तनावप्रति गम्भीर चिन्ता व्यक्त गर्दै सबै पक्षलाई संयमता अपनाउन र सामाजिक सद्भाव कायम राख्न अपिल गरेका छन्। जारी सर्वदलीय बैठकमा आफ्नो धारणा राख्दै नेकपा संयोजक प्रचण्डले यस्तो संवेदनशील समयमा राजनीतिक दलहरूले परिपक्वता, संवाद र उच्च जिम्मेवारी प्रदर्शन गर्नुपर्नेमा जोड दिएका हुन्।