एप स्टोरको सुरक्षामाथि प्रश्न, एप्पलविरुद्ध अमेरिकामा सामूहिक मुद्दा

काठमाडौं । एप्पलको एप स्टोरमा उपलब्ध नक्कली क्रिप्टो वालेट एपका कारण ठूलो आर्थिक क्षति भएको दाबी गर्दै अमेरिकामा कम्पनीविरुद्ध कानुनी मुद्दा दायर गरिएको छ । मुद्दामा एप्पलले आफ्नो एप स्टोर सुरक्षित भएको दाबी गरेपनि प्रयोगकर्तालाई ठगीबाट जोगाउन आवश्यक सावधानी अपनाउन असफल भएको आरोप लगाइएको छ ।

अमेरिकाको उत्तरी क्यालिफोर्निया जिल्ला अदालतमा दर्ता गरिएको उजुरीअनुसार तीन जना आईफोन प्रयोगकर्ताले नक्कली स्प्यारो वालेट एप डाउनलोड गरेपछि संयुक्त रूपमा १८ लाख अमेरिकी डलरभन्दा बढी मूल्य बराबरको बिटक्वाइन गुमाएका छन् ।