आज पनि घट्यो सुनको भाउ

काठमाडौँ- सुनको मूल्य घट्दा चाँदीको मूल्य बढेको छ । मंगलबारको तुलनामा बुधबार छापावाल सुनको मूल्य तोलामा १ हजार रुपैयाँले घटेको हो। योसँगै बुधबार छापावाल सुनको मूल्य प्रतितोला २ लाख ८३ हजार २०० रुपैयाँमा कायम भएको नेपाल सुनचाँदी व्यवसायी महासंघले जनाएको छ ।

मंगलबार ४ हजार ३०० रुपैयाँले घटेर छापावाल सुनको मूल्य प्रतितोला २ लाख ८४ हजार २०० रुपैयाँमा थियो । सोमबार १ हजार ४०० रुपैयाँले बढेर छापावाल सुनको मूल्य प्रतितोला २ लाख ८८ हजार ५०० रुपैयाँ थियो । आइतबार १ हजार ६०० रुपैयाँले बढेर सुनको मूल्य प्रतितोला २ लाख ८७ हजार १०० रुपैयाँमा थियो ।