बाढी प्रभावितको उद्धार र पुनर्स्थापनाका लागि नेपाल इन्भेस्टमेन्ट मेगा बैंकले दियो ४ करोड १ लाख

काठमाडौं । नेपाल इन्भेस्टमेन्ट मेगा बैंकले रसुवाको भोटेकोशी क्षेत्रमा आएको बाढीबाट प्रभावित नागरिकको उद्धार, राहत तथा पुनर्स्थापनाका लागि ४ करोड १ लाख रुपैयाँ सहयोग गरेको छ ।

बैंकले उक्त रकम प्रधानमन्त्री दैवी प्रकोप उद्धार कोषमा जम्मा गरेको जनाएको छ । भोटेकोशी नदीमा आएको विनाशकारी बाढीबाट प्रभावितको खोजी तथा उद्धारसँगै राहत वितरण र पुनर्स्थापनाका काममा सहयोग पुगोस् भन्ने उद्देश्यले आर्थिक सहायता उपलब्ध गराइएको हो ।