इरानले चीनसँग किन्यो ४०० अत्याधुनिक हवाई रक्षा मिसाइल, रक्षा प्रणाली बलियो बनाउने तयारी

एजेन्सी । अमेरिका र इजरायलसँगको युद्धका बीच आफ्नो रक्षा प्रणालीलाई पुनःसंरचना गर्न इरानले आगामी केही हप्ताभित्र चीनमा निर्मित ४०० वटा काँधमा राखेर प्रहार गरिने हवाई रक्षा मिसाइल प्रणालीको पहिलो खेप प्राप्त गर्ने अपेक्षा गरिएको छ ।

६ देखि ७ करोड डलर मूल्यको यो खरिद सम्झौता अमेरिका र इजरायलसँगको युद्ध सुरु भएयता आफ्नो अल्पकालीन हवाई रक्षा प्रणालीलाई बलियो बनाउन तेहरानले गरेको सबैभन्दा ठूलो ज्ञात प्रयास हो । यस युद्धका क्रममा इरानका सैन्य स्थल र रणनीतिक पूर्वाधारको सुरक्षामा रहेका कमजोरीहरू सतहमा आएपछि यो कदम चालिएको हो ।