मधेशमा सुनचाँदी व्यवसायीमाथिको धरपकडप्रति महासंघको आपत्ति, कानुनी र मर्यादित अनुगमन गर्न आग्रह

काठमाडौं- नेपाल सुनचाँदी रत्न तथा आभूषण महासंघले मधेश प्रदेशमा सुनचाँदी व्यवसायीमाथि भएको धरपकड तथा बजार अनुगमनको कार्यशैलीप्रति गम्भीर ध्यानाकर्षण भएको जनाएको छ ।

महासंघले बुधबार प्रेस विज्ञप्ति जारी गर्दै कुनै पनि व्यवसाय प्रचलित कानून, विधि र निर्धारित प्रक्रियाअनुसार सञ्चालन हुनुपर्ने उल्लेख गर्दै कानूनको पालना गराउँदै स्वच्छ, पारदर्शी र मर्यादित व्यावसायिक वातावरण कायम गर्नु व्यवसायीको दायित्व भए पनि त्यसको अनुगमन तथा नियमन गर्ने जिम्मेवारी राज्यको भएको स्पष्ट गरेको छ ।