गुरु पूर्णिमामा सेलिब्रिटी: कसैले आमालाई सम्झिए, कसैले जीवन बदल्ने गुरुलाई

काठमाडौं– नेपालभर आज श्रद्धा तथा सम्मानका साथ गुरु पूर्णिमा मनाइँदै गर्दा नेपाली कला, संगीत, फिल्म तथा मनोरञ्जन क्षेत्रका चर्चित व्यक्तित्वहरूले सामाजिक सञ्जालमार्फत आफ्ना गुरुहरूप्रति कृतज्ञता व्यक्त गरेका छन् । कसैले आफ्नी आमालाई पहिलो गुरुका रूपमा स्मरण गरेका छन् भने कसैले विद्यालय, संगीत, अभिनय र जीवनका विभिन्न चरणमा मार्गदर्शन गर्ने गुरुहरूलाई सम्मानपूर्वक सम्झिएका छन् ।

अभिनेत्री बेनिशा हमालले आफ्नो अभिनय यात्राको सुरुवात गराउने र अभिनयसँगै अनुशासन, समर्पण तथा जीवनका महत्वपूर्ण पाठ सिकाउने दुई गुरुहरू सुनिल पोखरेल तथा विरेन्द्र हमालप्रति विशेष कृतज्ञता व्यक्त गरेकी छन् ।