कपिलवस्तुमा ट्रकको ठक्करबाट बालकसहित तीनको मृत्यु

कपिलवस्तु। कपिलवस्तुको महाराजगञ्ज नगरपालिका-२ गैडहवास्थित बहादुरगञ्ज-तौलिहवा हुलाकी सडकखण्डमा ट्रकले दुईटा साइकल र एक पैदलयात्रीलाई ठक्कर दिँदा तीन जनाको मृत्यु भएको छ।

नेपालगञ्जबाट विराटनगरतर्फ जाँदै गरेको ना.५ ख २३६४ नम्बरको ट्रकले दुईटा साइकल र सडकमा हिँडिरहेका एक पैदलयात्रीलाई ठक्कर दिएको थियो। दुर्घटनामा गम्भीर घाइते भएका तीनै जनाको उपचारका क्रममा जिल्ला अस्पताल तौलिहवामा मृत्यु भएको प्रहरीले जनाएको छ।