भारतले धौलीगंगा नदीको बाँध खोल्ने भएपछि नेपालमा सजगता अपनाउन आग्रह

काठमाडौं । भारतको धौलीगंगा जलविद्युत् आयोजनाको बाँध सफा गर्न लागिएकाले सतर्कता अपनाउन अनुरोध गरिएको छ ।

साउन १३ गते बुधबार बिहान ६:०० बजेदेखि साउन १४ गते बिहीबार साँझ ६:०० बजेसम्म बाँधको ढोका खोलिनेछ । सो समयमा नदीमा बाढी आउन सक्ने भएकाले नदी किनारमा नजान र सावधानी अपनाउन जिल्ला प्रशासन कार्यालय दार्चुलाले सबैलाई अनुरोध गरेको हो ।