सांसद थापाको प्रश्न, ‘सुदूरपश्चिममा ५० प्रतिशत मात्रै मतदान हुनुले साँचो जनमत प्रस्तुत गर्छ?’

काठमाडौँ। सत्तारुढ राष्ट्रिय स्वतन्त्र पार्टी (रास्वपा) का सांसद डा. लेखजंग थापाले निर्वाचनमा आम नागरिकको समावेशिता र मतदान प्रतिशत बढाउने विषयमा प्रस्तावित प्रमुख निर्वाचन आयुक्तसँग ठोस कार्ययोजना माग गरेका छन्।

बुधबार संसदीय सुनुवाइ समितिमा प्रस्तावित प्रमुख निर्वाचन आयुक्त मानबहादुर कार्कीको सुनुवाइका क्रममा सांसद थापाले विगतका निर्वाचनमा देखिएका कमजोरी र आगामी चुनौतीबारे प्रश्न उठाएका हुन्।