शिक्षण छाडेर जनयुद्धमा ‘होलटाइमर’ भएका मंगलको काँधमा कर्णाली बदल्ने जिम्मेवारी

सुर्खेत । मंगलबहादुर शाही कर्णालीको पाँचौँ मुख्यमन्त्रीका रूपमा नियुक्त भएका छन् । प्रदेश प्रमुख यज्ञराज जोशीले नेपालको संविधानको धारा १६८ को उपधारा (२) बमोजिम शाहीलाई मंगलबार मुख्यमन्त्री नियुक्त गरेका हुन् ।

शाहीलाई आफ्नो दल नेपाली कम्युनिस्ट पार्टी (नेकपा)का १४ र सत्ता साझेदार दल नेकपा एमालेका १० जना गरी २४ जना प्रदेश सभा सदस्यको समर्थन छ । ४० सदस्यीय कर्णाली प्रदेश सभामा सरकार बनाउन न्यूनतम २१ सिट आवश्यक पर्छ । एमालेको समर्थन पाएका शाही संसदीय राजनीतिमा प्रवेश गरेको ४ वर्षमै मुख्यमन्त्री बन्न सफल भएका छन् ।