देशभर चिकित्सकको आन्दोलनः २४ घण्टादेखि बिरामीको उपचार प्रभावित

वीरगञ्जस्थित नारायणी अस्पतालमा चिकित्सकमाथि भएको कुटपिट, अस्पतालमा गरिएको तोडफोड तथा त्यसपछिको प्रशासनसँग उत्पन्न विवादले देशभरका चिकित्सक आन्दोलनमा उत्रिएका छन्। आन्दोलनका कारण आकस्मिक सेवाबाहेकका अधिकांश स्वास्थ्य सेवा प्रभावित हुँदा बिरामीले उपचारमा कठिनाइ भोगिरहेका छन्।

नेपाल चिकित्सक संघले दोषीमाथि तत्काल कानुनी कारबाही, स्वास्थ्यकर्मीको सुरक्षा सुनिश्चित तथा घटनामा संलग्न जिम्मेवार पक्षमाथि आवश्यक कारबाहीको माग गर्दै देशभर आकस्मिक सेवाबाहेकका स्वास्थ्य सेवा स्थगित गरेको जनाएको छ। यता स्वास्थ्य तथा जनसंख्या मन्त्रालयले भने कुनै पनि अवस्थामा उपचार सेवा अवरुद्ध नगर्न सबै स्वास्थ्य संस्थालाई निर्देशन दिएको छ।