इरानले अस्वीकार गर्‍यो ओमानको प्रस्ताव, हर्मुजमा थप नियन्त्रणको माग

काठमाडौं । इरानले हर्मुज जलडमरूमध्य (स्ट्रेट अफ हर्मुज) को व्यवस्थापन संयुक्त रूपमा गर्ने ओमानको प्रस्ताव अस्वीकार गरेको छ । बरु तेहरानले उक्त रणनीतिक समुद्री मार्गमा आफूलाई अझ बढी नियन्त्रण दिइनुपर्ने अडान राखेको छ ।

मध्यपूर्वमा तनाव कम गर्ने प्रयासस्वरूप ओमानले हर्मुज जलडमरूमध्यको व्यवस्थापनमा दुवै देशको साझा भूमिका रहने प्रस्ताव अघि सारेको थियो । तर, इरानले त्यसमा सहमति जनाउन अस्वीकार गर्दै जलमार्गको प्रवेश र आवागमनमाथि आफूलाई प्रमुख अधिकार हुनुपर्ने माग गरेको बताइएको छ ।