प्रस्तावित प्रमुख निर्वाचन आयुक्तमा मानबहादुर कार्कीसहितको नाम सर्वसम्मत अनुमोदन

काठमाडौँ- संघीय संसद्अन्तर्गतको संसदीय सुनुवाइ समितिले प्रस्तावित प्रमुख निर्वाचन आयुक्त मानबहादुर कार्कीको नाम सर्वसम्मत रूपमा अनुमोदन गरेको छ। समितिले निर्वाचन आयुक्तका लागि प्रस्तावित गुरु वाग्ले र राजीव सुब्बाको नाम पनि सर्वसम्मतले अनुमोदन गरेको हो।

संसदीय सुनुवाइका क्रममा आफ्नो कार्ययोजना प्रस्तुत गर्दै कार्कीले निर्वाचनमा निरन्तर सहभागी नहुने राजनीतिक दललाई अनिश्चितकालसम्म दर्तामा कायम राख्न नहुने धारणा व्यक्त गरे। उनका अनुसार लोकतान्त्रिक अभ्यासमा सक्रिय नहुने तथा निर्वाचनमा सहभागिता नजनाउने दलको दर्ता खारेज गर्न कानुनी व्यवस्था आवश्यक छ।