कैलालीमा राष्ट्रिय परिचयपत्र बनाउन ३–४ दिनसम्म कुर्नुपर्ने

धनगढी । जिल्ला प्रशासन कार्यालय कैलालीमा राष्ट्रिय परिचयपत्र बनाउन आउने सेवाग्राहीको अत्यधिक भीड बढेपछि पालो नपाएर धेरैजना निराश हुँदै फर्किन बाध्य भएका छन् । जिल्लाका विभिन्न स्थानीय तहबाट सेवा लिन आउने सेवाग्राहीले ३–४ दिनसम्म कुर्नुपरेको गुनासो गरेका छन् ।

केही दिनयता राष्ट्रिय परिचयपत्र बनाउन आउनेको चाप अस्वाभाविक रूपमा बढेपछि एकै दिनमा सेवा लिन सम्भव नभएको हो । बैंकिङ सेवा तथा अन्य विभिन्न सरकारी कामका लागि राष्ट्रिय परिचयपत्र अनिवार्य हुन थालेपछि कार्यालयमा दैनिक सेवाग्राहीको भीड बढ्दै गएको छ ।