फिफाको व्यावसायिक पुनर्संरचना योजनाले विश्व फुटबलमा विवाद

काठमाडौं । अन्तर्राष्ट्रिय फुटबल महासंघ (फिफा) ले आफ्ना प्रमुख प्रतियोगिताको व्यावसायिक सञ्चालनका लागि नयाँ कम्पनी स्थापना गरी त्यसमा बाह्य लगानीकर्तालाई स्वामित्व हिस्सेदारी बिक्री गर्ने योजना सार्वजनिक गरेपछि विश्व फुटबलमा विवाद चुलिएको छ ।

इंग्ल्यान्ड फुटबल संघ (एफए) ले उक्त प्रस्तावप्रति ‘गम्भीर चिन्ता’ व्यक्त गरेको छ भने युरोपेली फुटबल महासंघ (यूईएफए) का ५५ सदस्य राष्ट्र यसबारे छलफल गर्न यसै साता आपत्‌कालीन बैठक बस्ने भएका छन् ।