निर्वाचन आयोगले पायो नयाँ नेतृत्व, संसदीय सुनुवाइबाट तीन पदाधिकारी अनुमोदित

काठमाडौं । संसदीय सुनुवाइ समितिले निर्वाचन आयोगको नेतृत्वका लागि सिफारिस गरिएका तीन पदाधिकारीको नाम सर्वसम्मत रूपमा अनुमोदन गरेको छ। समितिको मंगलबार र बुधबार बसेको बैठकले प्रमुख निर्वाचन आयुक्तमा प्रस्तावित मानबहादुर कार्की तथा आयुक्तद्वय गुरु वाग्ले र डा. राजीव सुब्बाको नाम अनुमोदन गरेको हो।

संवैधानिक परिषद्को सिफारिसमा नियुक्त हुने निर्वाचन आयोगका पदाधिकारीको नियुक्तिपूर्व संसदीय सुनुवाइ गर्ने संवैधानिक व्यवस्था छ। सोही व्यवस्था अनुसार उम्मेदवारहरूको योग्यता, अनुभव र कार्ययोजनाबारे समितिले छलफल गरी अनुमोदन गरेको हो।