यामलालको नियति : जसले सत्ता ढाल्यो, उसैलाई समर्थनसहित सुम्पिनुपर्‍यो

सुर्खेत। ‘कर्णाली बाहिरबाट हेर्दा जति सुन्दर छ, भित्र बुझ्दा त्यति सुन्दर छैन, मैले यो कुरा पहिलो पटक भन्दै छु ।’ शनिबार मुख्यमन्त्री पदबाट राजीनामा दिँदै गर्दा निराश भावमा यामलाल कँडेलले संसद्मा राखेका भनाइ हुन् यी।

उनले आफ्नो दुई वर्षे कार्यकालको अनुभवले यो कुरा भन्ने निष्कर्षमा पुगेको सुनाएका थिए । उनका भनाइ प्रदेशभित्र मौलाएको विकृत राजनीतितर्फ लक्षित थियो, जहाँ केही राम्रो प्रयास गर्दा पनि सहयोग पाउन मुस्किल छ।