विद्युत् महसुल पुनरावलोकन र विगतका खरिद छानबिन गर्न दुई समिति गठन

१३ साउन, काठमाडौं । नेपाल विद्युत् प्राधिकरणको सञ्चालक समितिको १०४० औँ बैठकले विद्युत् महसुल दरको पुनरावलोकन गर्न र विगतमा भएका खरिद प्रक्रियाको छानबिनका लागि दुईवटा महत्वपूर्ण समिति गठन गर्ने निर्णय गरेको छ।

प्राधिकरणका बोर्ड सदस्य अंसु किरण शाहीले बैठकका निर्णयबारे जानकारी दिँदै उपभोक्तालाई सहुलियत दिन र संस्थाभित्रका प्राविधिक तथा प्रशासनिक कमजोरी सुधार्न यी कदम चालिएको बताए।