मुख्यमन्त्रीबाट बाहिरिँदै गर्दा यामलाल कँडेलको घोषणा: राज्यको सुविधा लिन्न

कर्णाली प्रदेशका निवर्तमान मुख्यमन्त्री यामलाल कँडेलले पदबाट बाहिरिएपछि राज्यबाट उपलब्ध हुने कुनै पनि सुविधा र सुरक्षा नलिने घोषणा गरेका छन्।

करिब २७ महिनासम्म मुख्यमन्त्रीको जिम्मेवारी सम्हालेका कँडेलले बुधबार सार्वजनिक सन्देश जारी गर्दै आफूलाई साथ, विश्वास र सहयोग गर्ने सम्पूर्ण कर्णालीवासीप्रति आभार व्यक्त गरेका छन्। उनले लोकतान्त्रिक शासन व्यवस्थामा पद र जिम्मेवारी परिवर्तन स्वाभाविक प्रक्रिया भएको उल्लेख गर्दै सार्वजनिक सेवाप्रतिको आफ्नो प्रतिबद्धता भने यथावत् रहने बताएका छन्।