काठमाडौं प्रहरीको नयाँ एक्सन: १८७१ शंकास्पद अपराधीको डिजिटल कुण्डली एक क्लिकमै तयार !

काठमाडौं उपत्यकामा अपराध नियन्त्रणलाई प्रविधिमैत्री बनाउने प्रयासस्वरूप जिल्ला प्रहरी परिसर काठमाडौंले विभिन्न अपराधमा संलग्न, मुद्दा चलेका तथा जेलबाट फरार भएका व्यक्तिहरूको डिजिटल प्रोफाइल तयार गरेको छ ।

प्रहरीको यो नयाँ प्रणालीमा १ हजार ८ सय ७१ जनाको फोटो, वैयक्तिक विवरण र आपराधिक संलग्नतासम्बन्धी अभिलेख डिजिटल रूपमा सुरक्षित गरिएको छ।