फिफाको नक्सामा नअटेका विश्वका ७ राष्ट्र

विश्वभर अरबौँ समर्थकलाई एउटै भावनामा बाँध्ने खेल हो फुटबल । हरेक चार वर्षमा आयोजना हुने फिफा विश्वकपको रौनकले सिङ्गो महादेशहरूलाई नै तरंगित बनाउँछ । तर, विश्वका हरेक कुनामा फुटबलको यो आधिकारिक उपस्थिति भने हुन सकेको छैन । संयुक्त राष्ट्रसंघबाट पूर्ण मान्यता प्राप्त केही यस्ता सम्प्रभु राष्ट्रहरू पनि छन्, जसको आजसम्म कुनै फिफा–आबद्ध राष्ट्रिय फुटबल टोली छैन । कतै सानो भूगोल, कतै पूर्वाधारको चरम अभाव, कतै भौगोलिक विकटता त कतै भिन्न खेलप्रतिको मोहका कारण यी देशहरू विश्व फुटबलको सर्वोच्च निकायभन्दा बाहिरै रहन बाध्य छन् । संसारभर फुटबललाई धर्म मान्नेहरूका लागि यी देशहरूको स्थिति अनौठो लाग्न सक्छ । तर, भौगोलिक सीमितता र भिन्न प्राथमिकताका बाबजुद यी राष्ट्रहरूमा पनि खेलप्रतिको मोह भने कुनै न कुनै रूपमा ज्युँदै छ । यहाँ तिनै रोचक राष्ट्रहरूको चर्चा गरिएको छ, जो स्वतन्त्र भएर पनि फिफाको परिवारमा अटाउन सकेका छैनन् ।

मार्सल आइल्याण्ड्स : शून्यबाट सम्भावना खोज्दै